عايزك تستهدفلي العملاء ال class a !
اصل المنتج بتاعنا غالي الجذمة ب 500ج والف ج محدش هيشتريها غير class a !
خلي الكونتنت English عشان استهداف ال class A !
خرافات من دي كتير بسمعها وبنسمعها كلنا كميديا بايرز والحمدلله اول محد بيفتح بوقه بيهم قدامي برفض البروجكت بتاعه 
حتي لو هاخد مليون جنيه
الله الغني عن وجع القلب
رفض بروجكتات دي مش تناكة لا سمح الله بس في جملة بحبها اوي واكيد هلاقي غيري كتير بيحبها دلوقت بتقول ( الفاهم بيريح )
عميل ال class a ده مفهوم غلط شويتين في مجتمعنا انه هو عشان القوة الشرائية بتاعته عالية فهو هيشتري منتج انت جايبه جملة ب 10ج وعاوز تبيعهوله ب 500ج عشان هو class a وعنده قدرة شرائية وبلا بلا بلا بلا
▪︎طب احب اقلك انا كعميل class a اول حاجة مبفكرش فيها وانا بشتري حاجة عاوزها ونفسي فيها اني مبفكرش في السعر بتاعها ابدااا !
يبقي اكتب عندك كده point 1
عميل class A لا يهتم بالسعر
انا لو ههتم بالسعر هشتري ايفون 13 ليه؟ ولا ادور علي عربية فئة معينة وكمان لون معين حتي لو هدفع الفرق في السعر اعلي
ابسطهالك اكتر انا لو بهتم بالسعر هشتري لانشون حلواني ليه والبيفي موجود
▪︎طب اقلك علي حاجة حلوة كمان بقي مفيش عميل class a هتلاقيه علي فيسبوك !
انا لو هشتري ايفون هروح اسرش علي يوتيوب اشوف ريفيوهات وعلي جوجل اشوف اسعار وهشتري
لو هشتري لبس هدخل علي براندات بعينها ادور عليها باسمها علي جوجل برضو واشتري ممكن بعدين بقي كخدمة عملاء اتواصل معاهم علي فيسبوك ماسنجر واشوف كولكشن جديد علي انستجرام ولا حاجة وبرضو هكمل علي جوجل
يبقي اكتب عندك كده point 2
عميل class a بنسبة كبيرة هو اللي بيدور عليك مش انت اللي بتدور عليه
( شطارتك وانت بتبدا انك تعمل براند تحوله ومن عميل ميعرفكش لعميل بيدور عليك ودي بتاخد وقت ومجهود وفلوس )
▪︎اقلك علي حاجة كمان اخيرة بقا عشان شايفك زهقت بعد متبقي براند مشاء الله عليك كده عميل class A مبيهتمش باراء العملاء اللي اشتروا قبل كده !
وانا بشتري ايفون انا عارف وسامع اراء من عملاء كتير بتشتكي من ابديت ios ومشاكل في مش عارف ايه وايه وبرغم من كده بشتري لاني مش مهتم وواثق في البراند اسمع الجملة الجاية دي بقا
– ( اللي محسسني باني مميز ) – 
وانا رايح اشتري بيت في كامبوند تبع طلعت مصطفي انا مش مستني كريم عبدالعزيز يطلع يقولي مميزات وانا قد ايه هبقي مرتاح لاني واثق ان شغل الناس دي wow واحلي من لندن نسبيا 
انا كده كده بدور وعاوز اشتري فعلا لاني ايه؟
( محسسني باني مميز ) –
– لكن مفيش مانع ان نلعب باعلان عالعاطفة شوية ونخلي كريم عبدالعزيز يعمل اعلان عشان نسكن جنب كريم عبدالعزيز اومال ايه ده سلوك عملاء عايزة تحس بالتميز احنا مبنهزرش
اعلانات اللي بتلعب عالعاطفة دي مقلكش بقا امثلة منها كتير قد ايه زي مثلا اني استعمل شامبو كلير عشان كرستيانو ومبيستعملش هيد آند شولدرز
يبقي اول point هتكتبها عن عميل class a بيهتم بايه؟
شطورر
يحس انه مميز واللي بيشتريه ده نادر مع اللي حواليه
وتاني point؟
الجودة ثم الجودة ( مش عشان انا ثري خليجي هشتري اي حاجة تبيعهالي وادفع اللي تقولي عليه ببساطة كده )
انت وصلت لحد هنا وسايب العملاء class a مبتسهدفهمش كده ده انت ميديا باير مبتعرفش أ ب تسويق بصحيح
ختاما لو وصلت لحد هنا اوعي تكون نسيت تصلي عالنبي 
اترك تعليقاً