حملة انقاذ كتكوت مضغوط في تحضيرات فرايدي نوفمبر – نمبر 5 
مش هتعمل optimization يعني؟
ملحوظة بعد السلام وقبل بداية الكلام :
لو شغلك الكلي دروبشبينج ملكش دعوة بالكلام ده والوينر معاك في التيست روح اعمل عليه pump ب x5 و x10 والحق خلص الاستوك عادي
تعالي انت بقا يا شقيان الايكومرس المسكين نكمل كلام 
عملت testing لل audience وال creative وفضلت شهر كامل مشغل حملات awareness و video view و engagement و followers والذي منه
مش ان الاوان بقا نعمل optimization؟ 
ال optimization علي مستوي ال creative 
– نشوف ال unique ctr عامل ايه؟
– وال cost per click ده منظر cost per click ده 
– نعمل break down ونشوف انهي زواية من ال ad copy المكتوبة هي اللي جايبة اكتر engagement مع ال pocket of audience ده
– نشوف انهي call to action يعني هل الناس داست اكتر علي ال button لما كان shop Now ولا order now ولا get offer
– نشوف انهي type of ads الناس اتفاعلت معاه اكتر ومش مقصود هنا بصور او فيديوز لا مقصود هنا
هل هو single photo or video؟
ولا هو carousel؟
ولا هو catalog؟
ولا هو instant experience؟
ال optimization علي مستوي ال audience 
– نعمل break down نشوف مين اكتر متفاعل معانا الرجالة ولا الستات؟
– طب احنا كنا عاملين ال age علي ال broad من 18 ل +65 مين اكتر سن مهتم بينا؟
هل من 18-24 كانوا احسن فئة؟
هل من 25-34 كانوا اكتر اهتماما؟
هل من 35-44 كانوا اعلي تفاعل بس متصرفش عليهم بادجيت كويس عشان هما كفئة عمرية اقل عددا من ال 18-24 مثلا وهكذا …
– طب احنا كنا عاملين ال location علي البلد كلها ايه اكتر regions مهتمة من ال audience اللي روحناله؟
والله انا محدد امريكا كلها بس شايف اكتر States ال audience بتاعها مهتم بينا هي كاليفورنيا و نيويورك و تكساس مثلا
خلاص المرة الجاية بعد التيست في كامبين ال optimization هناخد من هنا البنات اكتر ناس اتفاعلوا معانا وسنهم من 25-44 وتارجت اللوكيشن بتاعهم فب ال regions اللي طلعت معانا مهتمة اكتر دي وهكذا
ال optimization علي مستوي ال placement 
– والله احنا كنا عاملين في التيست advantage+ placement نعمل break down ونشوف ايه اكتر placement جه منها زيارات الويبسايت او اعلي engagement اتاخد من الصرف هل هو
Facebook feed, story, reel
Instagram feed, story, reel
messenger story , inbox
وبرضو في ال optimization كامبين نعمل حسابنا نحط ال placement مانيوال المرادي بال placement اللي جايبة اكتر
ال optimization علي مستوي ال website engagement 
– نشوف ال funnel كاملة الاول علي الداشبورد
عندنا Gap بين عدد الناس اللي عاملة unique clicks والناس اللي عاملة landing page view طب كده روح check لو غالبا في مشكلة عندك في ال page speed بتاعت الويبسايت
عندنا Gap بين عدد الناس اللي عاملة landing page view والناس اللي عاملة view content طب كده روح راجع ال ms clarity شوف هل ال audience عنده مشكلة في structure الويبسايت ومتشتت بين حاجات كتير مش واضحة وال collections مش مسهله الدنيا عليه ومش متنظمة بشكل كويس هل في اي buttons مش clickable
عندنا Gap بين عدد الناس اللي عاملة view content والناس اللي عاملة add to cart شوف كده هل ال product page اللي الناس بتدخل عليها كافية ووافية وموضحة تفاصيل الامن والامان اللي تخليني انا كيوزر اتعامل معاك كا ويبسايت؟
يعني في product description كويس؟
في estimated delivery date طيب؟
في trust badge عن ال refund والذي منه؟
في reviews ناس تبص عليها؟
واخيرا هل السعر بتاع البرودكت نفسه سعر عادل وكويس مناسب للسوق؟
عندنا Gap بين عدد الناس اللي عاملة add to cart والناس اللي عاملة checkout
اولا شوف كده هل ال checkout page مملة وطويلة وطالبة بيانات كتير اكتر من الاسم والرقم والعنوان
انا عن نفسي شخصيا مرة سيبت ويبسايت بسبب ال checkout page كان طالبين الاسم ورقم التليفون ورقم تليفون احتياطي وايميل وعنوان وعلامة مميزة موجودة في العنوان ده و checkbox انك موافق علي كذا وكذا وضيف اي ملاحظات للطريق عشان المندوب طب ايه طيب
ثانيا شوف لو مصاريف الشحن مش مجانية فا ممكن جدا فئة كبيرة تكون مش عاجبها ان مصاريف الشحن كده يعني لو مش هتستخدم free shipping حاول عالاقل انك تضيف 90٪ من سعر ال shipping علي ال product وتسيب ال 10% الباقية علي الناس
شوف ال payment method اللي موفرها هل انت موفر كل حاجة ممكن اي واحد من الناس يستخدمها يعني موفر
الدفع عند الاستلام
الدفع بالفيزا
التقسيط مع بنوك
التقسيط مع شركات BNPL زي احنا في مصر بنحب فاليو في السعودية والإمارات بيحبوا تمارا في امريكا بيحبوا كلارنا وافتر باي وهكذا ..
وموفر حتي الدفع بالفيزا عند الاستلام مش بس في الويبسايت
اخر حاجة دي اختياري وهي ال optimization علي مستوي ال offers بقا
وده علي حسب ال segment of audience بتاعنا تللي روحناله
في ناس بتعشق كوبونات الخصم فنعملهم كوبونات خصم
في ناس بتحب الشحن مجاني خالص نعملهم شحن مجاني
في ناس معندهاش مانع تدفع مصاريف شحن بس بتحب سعر شحن رخيص جدا يعني التوصيل يكون ب 3 ريال التوصيل ب 10 جنيه التوصيل ب one dollar وهكذا
في ناس بتحب العروض اللي مع شركات التقسيط احنا عاملين عرض لما تدفع بفاليو خصم كذا كذا
اترك تعليقاً