مجاش في بالك مرة تفكر في اداة جديدة للتحليل؟ بدل مكل الاعتماد والاستخدام علي Google analytics … Google analytics ! 
طب لو بتفكر في أداة جديدة اكيد بتسأل نفسك إيه الفرق بين كل أدوات التحليل دي؟ وطبعاً مفيش أداة واحدة هي الأفضل لكل الحالات الموضوع في الاول والاخر بيعتمد على البيزنس بتاعك 
واختارت اتكلم عن mixpanel وليه ممكن تحب تضيف ميكس بانيل لنظام جوجل أناليتكس اللي عندك وعن الفرق بين ميكس بانيل وجوجل أناليتكس لأن الأدوات دي تبدو إنها بتعمل نفس التقارير لكن في الحقيقة هما مختلفين شوية وبيكملوا بعض
اولا : نفهم الفرق في فلسفة ال Tracking بين جوجل أناليتكس وميكس بانيل 
– جوجل انالتيكس هو أداة ب tracking الصفحات هو باختصار وبساطة اعتماده الاساسي page view يعني بتضيفه لموقعك أو تطبيقك ولما ال user يدخل أو يعمل refresh للصفحة حتي جوجل أناليتكس بيتتبعهم في اللحظة دي بيسجل إنك شفت الصفحة دي وبيجمع معلومات عنك كمستخدم لكن محددة زي موقعك، عنوان الـIP، المتصفح، وكل ده
– ميكس بانيل هو أداة ب tracking الأحداث اعتماده الاساسي علي ال events يعني add to cart و checkout و purchase و sign up والذي منه اي ايفنت بيتبعتله طريق جافاسكريبت أو APIs او اي مكتبات تانية بت tracking ال actions اللي عملها ال user بشكل دقيق وفي البداية بتاعته كان كل اهميته للشركات اللي بتشتغل موبايل ماركتينج لانه في analysis ال retention عظيم وممتاز ومؤخرا السنوات الأخيرة بقا كمان عظيم وممتاز بالنسبة لل e-commerce 
ثانيا : طب ايه اللي جوجل أناليتكس ممتاز فيه، وإيه اللي المفروض بنستخدمه عشانه؟
جوجل أناليتكس ممتاز في tracking ال sessions اللي قبل ال conversion ميتم يعني
عدد زوار الويبسايت قد ايه؟
مدة تصفحهم للموقع عاملة ازاي؟
الصفحات اللي بيزوروها ايه؟ وايه اكتر الصفحات اللي زاروها دي؟
بيتفاعلوا علي الويبسايت ازاي؟
مصدر الزيارات نفسه منين هل كامبين معينة ةاعلان معين ولا دايركت من سيرش في جوجل الخ
ثالثا : ايه اللي ميكس بانيل ممتاز فيه وازاي ممكن يكملوا بعض؟
ميكس بانيل ممتاز في tracking ال users وال events وما بعد ال conversion ميتم
ب tracking ال users بالاسم والايميل لان ده كونفرجن واضح ليه و unique conversion بمعني اصح مش مجرد tracking ال users في هما من انهي بلد وانهي مدينة وسنهم قد ايه وجنسهم ايه زي جوجل انالتيكس في tracking ال users
مفيد في قياس ال retention rate وال LTV للبراند من ال funnel بتاعته
هتقولي جوجل انالتيكس بيعمل ده! ايوة بس مش بالشكل اللي بيحسب بيه ميكس بانيل لان جوجل انالتيكس بيحسب بال total users مش ال users اللي بقوا already عملا خلاص 
بيعمل ريبورت حلوة وبسمسم في ال break down لل e-commerce وتقدر تشوف في ال purchase هي العملا بتوعك بيدفعوا بايه؟ credit ولا cash ولا BNPL
وممكن كمان تشوف اكتر shipping method اختاروها
ازاي ممكن الاتنين يكملوا بعض؟
جوجل أناليتكس ي tracking التسويق وميكس بانيل ي tracking ال unique users من التسويق ده او بين قوسين ( ال already عملا )
وفي الاول والاخر زي مقلنا ده بيعتمد على احتياجات البيزنس
لو وصلت لغاية هنا فشكرا انك مهتم وبتكمل لحد الاخر وكنت عاوز اقلك انك واحشني جدا جدا وكان واحشني اكتب حاجة ليك
اترك تعليقاً