تعالوا نتكلم شوية في ال structure المفروض يكون في اي Landing page ! 
مبدئيا ايه هي ال landing page اصلا عشان اللي ميعرفش
تنويه : ( اللي ميعرفش دي مش معناها تقليل نهائي من معلومات اي حد شغال او لسه مش شغال انما مقصود بيها ناس كتير بتشتغل مسدجيز بس او كل شغلها مسدجيز بس فا معندهمش فكرة عن اللاندينج بيدج دي ايه مثلا وهكذا الخ )
ببساطة اللاندينج بيدج للمنتج هي صفحة على الويبسايت الخاص بيك متصممة مخصص عشان تروج لمنتج معين او عرض معين علي المنتج
هدفها الأساسي هو تحويل الزوار اللي جايينلك عالويبسايت لعملاء من خلال تزويدهم بكل المعلومات اللي ممكن يحتاجوها عشان ياخدوا القرار ويشتروا منتجك
وفي فرق واضح بين ال landing page وال home pages 
– ال home pages عبارة عن نقطة الدخول الرئيسية للويبسايت بتاعك
– ال landing page متصممة مخصوص عشان تحول الزوار إلى عملاء محتملين ( warm aud = دخلوا الويبسايت وعملو scroll في اللاندينج بيدج او ضافوا المنتج للسلة او عملوا اي action عالويبسايت الخ ومشتروش ) أو عملاء فعليبن ( hot aud = اللي اشتروا المنتج فعلا ) مع التركيز الواضح على منتج أو عرض معين واقناعهم بيه
اللاندينج بيدج هي الانطباع الأول اللي عميلك المحتمل بياخده عن علامتك التجارية فا محتاج لكل المعلومات اللي تقنعه يشتري
ال structure مقسمه كالاتي :
• Headline and hero section
• Features and benefits
• Product images and videos
• Reviews and testimonials
• call to action (CTA)
• Frequently asked questions (FAQs)
• ال Headline and hero section
ممكن نقول إن عنوان صفحة اللاندينج بيدج بتاعتك هو ال hero section زي مبقول وهو اول أهم عنصر في اللاندينج بيدج لمنتجك
من كل 10 زوار هيروحوا علي اللاندينج بيدج بتاعتك 7 هيمشوا من غير ميعملوا اي action ( دي احصائيات باجتهادات شخصية متركزش اوي 
)
فا عشان تتأكد من استمرار الزوار علي اللاندينج بيدج لازم عليك تجذب انتباههم لازم توضح ال copy بتاعتك في الجزء ده بوضوح ودقة اوي هما هيكسبوا ايه من اللاندينج بيدج بتاعتك وعرضك؟
مثال : منتج بيعالج حب الشباب فتخلي ال copy بتاعت الجزء ده لو بنبيعه سوق مصري ” ( اسم المنتج ) هيخلصك من حب الشباب واثاره خلال 3 اسابيع هتلاحظ التاثير ” وهكذا الخ
مثال تاني : احصل علي شحن مجاني لباب البيت وضمان استرجاع واستبدال ضد عيوب الصناعة وهكذا الخ
من اولها اضرب المسمار في راس الزوار 
تجذب انتباهم وتشجعهم يكملوا قراية زي منا مخليك تكمل قراية دلوقت كده يا عسلية ! 
• ال Features and benefits
بمجرد جذب انتباه جمهورك بالعنوان الرئيسي حان الان موعد التعمق في فوائد منتجك 
جزء الميزات والفوائد هو المكان اللي محتاج فيه تبدء تبيع فعلا
– محتاج أنك تشرح ايه اللي يخلي منتجك مختلف عن الباقي؟
– ايه اللي يخلي الناس تشترب منك وميشتروش من حد تاني؟
وخلي فبالك قاعدة ثابتة دايما ” ان الميزات مش بتبيع ! انما الفوايد اللي بتقدمها الميزات دي ” سهلة دي؟
العملاء بتهتم بنسبة قليلة بايه اللي ممكن يعمله منتجك وبتهتم بنسبة اكبر باللي ممكن منتجك يعمله ليهم بكل ميزة فيه
مثال : قطاعة الخضار دي بتقطع وتبشر الخضار ( لحد هنا عظيم ) !
بس لما يعرف انه قطاعة الخضار دي 3*1 فيها 3 شرايح سكاكين وكل سكينة بتقطع الخضار بشكل معين ( ده اعظم )
نعتبر لحد هنا part 1 من البوست ده ويتبقي لينا
• Product images and videos
• Reviews and testimonials
• call to action (CTA)
• Frequently asked questions (FAQs)
اترك تعليقاً