وحدو الواحد 
هنا ال google tag manager (الجزء الاول 
) عشان ده العادي تماما هختصر كل اللي عايز اقوله عنه في جزء واحد الزتونة يعني اللي هو 99% من اللي انت محتاجه منه
والجزء التاني بقا هيبقا عن نوع اخر من ال google tag manager اسمه server to server وده جزء يخص set up ال conversion api وبيكون مربوط بسيرفر مدفوع
الانسان الجونيور عامل ايه؟ جربتوا السوبيا فروالة ولا لسه
يلا نقسم google tag manager فتافيت صغننة 
ال tags
ال triggers
ال variables
ال templates
هو ليه تاج مانجر موجود؟ ليه اتعمل؟ ليه بنستخدمه؟
جوجل تاج مانجر يا سيدي ” مشترك ” عارف المشترك لما ميبقاش فيه عندك غير فيشة واحدة بس انت للاسف بتستخدم حاجات كتيرة وعاوز تشحنها هي كمان في مكان واحد وكل واحدة منهم محتاجة فيشة بس انت برضو مفيش عندك غير فيشة واحدة موجودة
فتروح زي الشاطر تشتري مشترك ابو 4 عيون ده 
عشان تحط كل الفيش في مشترك واحد وتوصلهم بالفيشة اليتيمة اللي عندك
هو ده جوجل تاج مانجر ” المشترك ” بتروح تستخدمه عشان بدل متروح تمرمط الويبسايت بتاعك اكواد تراكينج
وتجيب كود فيسبوك بيكسل تحط تحته كود تيك توك بيكسل وتحته كود سناب شات بيكسل وتحته كود جوجل الخ كل ده عمال تحشره في ال header ومش حاسس وبعدين الموقع يروح يتقل منك من كتر الاكواد اللي حططها وتايه بينهم اساسا وبوظت برمجة الويبسايت خلاص ومحتاجين developer يصلح من وراك من جديد
اصحي اصحي يا جونيور يا اخويا ده كابوس بخليك تتخيله تحلم بيه وانت صاحي انما انت مبوظتش حاجة متخافش لسه هتبوظ
ال Tags :
دي الحاجة الثابتة اللي بتديها اوامر وتحطلها متغيرات وقت متحب وهي بتبقا اول كل حاجة عبارة عن حاجة واحدة وبتطلب منها اوامر زي :
الجوجل انالتيكس كونفجريشن
الفيسبوك بيكسل ، التيك توك بيكسل ، السناب بيكسل الخ
ال triggers :
دي الاوامر اللي بتديها للحاجة الثابتة عشان تنفذها بقا بمعني ايه اديلك مثال
انت دلوقت بتعمل مكالمة بمطعم عشان تطلب اوردر والمطعم رد عليك بس انت فضلت ثابت ومبتردش عليهم هل هيحصل حاجة وانت ساكت؟ ولا هيعرفوا انت عايز تطلب ايه؟ ولا عنوانك فين ومجرد مكالمة حصلت وهيتقفل الخط فوشك
انت هنا مجرد tag ملوش اي trigger حصل
انما بقا ← انت دلوقت بتعمل مكالمة بمطعم عشان تطلب اوردر = tag
عرفته انك هتطلب واحد كشري واحد رز بلبن علي عيونك = “trigger “add to cart
وعرفته عنوانك فين بالظبط والدور الخامس شقة 12 والذي منه = “trigger “checkout
والدليفري وصل وحاسبته واديتله تبس كمان =
trigger “purchase value”
هو ده ال trigger بالظبط الاوامر اللي بتديها للثابت اللي عندك ينفذها تخليه يقولك انا بطاطا تحت رجليك
اختارت فيسبوك بيكسل او تيك توك بيكسل او سناب شات بيكسل الخ
هتكمل وتدي البيكسل دي طلباتك اللي عاوزها وتطلب والله انا عاوز اعد الناس اللي عملت اضافة المنتج للسلة والناس اللي عملت عملية شرا الخ
فا وانت بتختار ال trigger وتختار نوعها ك page view هتقف عند all pages و some pages وتختار some pages
هتلاقي عندك تحتها اختيارات مختلفة كتير من page host و page url و page path وليلة كبيرة اوي سعادتك
فهما مفيش غير اتنين ملهمش تالت بنستخدمهم اما page url ياما page path
امتي بستخدم ده وامتي بستخدم ده؟
ال page url بستخدمه لما يكون عندي صفحة اللينك بتاعها نفسه هو هو مبيتغيرش لكل يوزر زي صفحة ال cart وصفحة ال thank you مثلا هنا بتختار معاها في الخانة التانية equal عادي لان ال url كده كده ثابت
انا ال page path ده بستخدمه لما يكون عندي صفحة اللينك بتاعها في متغيرات كتير زي id products او categories مختلفة كتيرة ساعتها هنا بتختار معاها في الخانة التانية contains يعني بتحتوي علي كلمة واحدة معينة زي كلمة id products او categories بس
وبس كده بتحدد ده وتديله اسمه زي جبت لينك add to cart وعملته page url equal وتربطه بالتاج وتكمل العملية دي في الايفنتات اللي لسه عاوز تكملها زي ال checkout وال purchase الخ
ال variables :
دي المتغيرات وكل استخداما ليها بيكون عن طريق تتبعا لل data layer عشان عاوزين نتتبع ال value بتاعت ال orders عشان نغذي البيكسل داتا بقا ونعمل roas عظمة والذي منه
فعشان نوصل لل data layer دي بتدوس علي ال preview من عندك في التاج مانجر جنب ال submit كده وتحط لينك الويبسايت بتاعك وتروح تتعامل كانك حد داخل يشتري حاجة وتكمل الرحلة بتاعتك للاخر وتشتري منتج ما وتقف عند ال purchase اللي هتظهرلك وحصلت دي هتلاقي حاجة اسمها data layer هتدوس عليها هتلاقي تفاصيل كل الاوردر كاملة
وقيمة الاوردر جنبها بقا مسمي كده اسمه ال transaction total تمام
هنروح علي ال variables ونعمل variable ااسمه transaction value ونحط المسمي اللي جابناه من ال data layer ده فيه اللي هو اسمه ايه؟ برافووو عليككك ال transaction total اقفل ال variables وتعالي ورايا
المهم عشان فب الاخر تحسب ال value عندك في فيسبوك مينفعش تيجي تفتح custom html code
وتكتب فيها كود ال value بالشكل ده 
fbq(‘track’, ‘Purchase’, {
value: 9.99,
currency: ‘EUR’
});
الا في حالة واحدة لو انت متجر بتبيع منتج واحد وده سعره دلوقت 
عشان كده في الايكومرس بنستخدم ايه يا جونيور يا اخويا متغير it’s variables
هتيجي في الكود وتشيل قيمة اللي جنب اللي value وتعنل زي مبتعمل في الاكسيل كده تفتح ال variables جوا ال custom html code مكانها وتختار ال variable اللي احنا لسه عاملينها مكان قيمة الاوردر فوق اللي هي ايه؟ ال transaction total كده
fbq(‘track’, ‘Purchase’, {
value: {{transaction total}},
currency: ‘EUR’
});
وتيجي تحت في ال advance option وتدوس عليها وتختار ان الامر ده ميعملش fire غير بعد مال Facebook pixel تبقا fire الاول ك tag
وبعدين في الاخر تختار ال trigger اللي عملته لل purchase بال thank you page فاكره؟
وبس كده save واقفل يا جونيور يا اخويا معاك تراكينج ميخرش الداتا
ال templates :
دي جاهزة مش محتاج انك تجيب ال parameters codes من فيسبوك وتيك توك وسناب الخ وتعملهم واحد واحد بشكل مانيوال لانه في تمبلت لكل بيكسل موجود في ال templates جواه built-in لكل ايفنت عاوز تعمله وكل variables عاوز تضيفه
وبتضيفله بس الاوامر في ال triggers زي ال add to cart وال checkout وال purchase
اترك تعليقاً