يطلع ايه ال offline conversion ده؟ معمول ليه وايه لازمته يابو عمو ! 
الانسان الجونيور عامل ايه؟ كلتوا قطايف ولا عاملين دايت؟ 
انا عارف يا جونيور يا اخويا انك بتقعد تسمع وتتعلم عن التراكينج وشايف جوجل تاج مانجر يمين وكونفرجن api شمال ولسه بتستوعب الناس دي مالها بتقول ايه
وفي الاخر تمسك اكونت عملاء بتشغل حملات Engagement و messages و Awareness عشان انت لسه ابن internship 
( طبعا الكلام دي للاجنسي المحترمة بس اللي بتعمله ملناش دعوة بالاجنسي اللي بتجيب 100 بني ادم لسه متعلموش حاجة وتديهم مرتب اوفيس بوي عشان هما ياعيني لسه تحت التدريب وفي الاخر تمسكهم بال 5 و 10 اكونتات محتاجين شغل كبير وكتير اوي )
المهم هو ده بقا اللي جايلك اكلمك عليه انهاردا ال offline campaigns 
تقريبا هتلاقي اكتر objective شغال في مصر هو ال messages بمختلف ال goals بقا اذا كنت مشغل ال messages ك engagement campaigns او sales campaigns الخ
المهم انك في الاول والاخر مشغل كامبين لبيدج او براند معندوش ويبسايت
اثناء وانت شغاال بقا في كامبين messages وعرفت خلاص التصميم الوينر معاك او الفيديو الوينر ايا كان نوع الكريتيف المهم انه وانت شغاال في كامبين زي ده عاجبك النتايج وراضي عنها والرسالة بنص جنيه وكل الكلام الجميل ده
بيكون مش سهل انك تسكيل في كامبين ال messages اللي شايفها ناجحة دي بنفس ترتيبات وصنعة حرفيا انا بسميها صنعة انك تسكيل علي conversion campaigns
ليه بقا؟
هو ده الموضوع لانك مش بتملك data زي ماللي عنده ويبسايت مغذي البيكسل بتاعته data مصروف عليها ملايين وعدي عليها سنين وانت لسه مسكين ( ده شعر في مواساة اخويا الجونيور اه )
بس متقلقش من انهاردا اخويا الجونيور ومن دلوقت بعد متستخدم ال offline conversion في ال campaigns بتاعتك هتبقي عندك داتا احسن من اللي عنده ويبسايت بكتيرر
هو هيقعد يغذي البيكسل بالناس اللي عملت page view الاول لوحدهم وبعدين الناس اللي عملت add to cart والناس اللي عملت check out والناس اللي عملت purchase
اما انت هتغذي ال google sheet بتاعك بالناس اللي بتعمل purchase بس او بتسجل في الفورم بتاعك بس او حتي زارت فروعك لو انت براند وليك فروع ومسجل داتا العملا بتاعتك من كل فرع ال qualified من الاخر يعني
وفوق كل ده عشان لما تحب تزوغ من المنافسة مع المنافسين في موسم شديد تزوغ براحتك وتسيبهم هما يشغلوا website conversion براحتهم وانت تشغل messages و lead generation
بس الفرق بينك وبين اللي شغال ب ويبسايت ومربط بيكسلز وكونفرجن api والذي منه انه هو بيغذي الداتا بتاعته للبيكسل اتوماتيك
اما انت فا محتاج تضيف الداتا بتاعتك بنفسك يا شقيان
او مش بنفسك اوي يعني الموضوع ممكن يتعمل automated برضو ب tools كتير زي zapier مثلا ودي my favorite tool في اي حاجة تخص ال automated
تعمل الشيت اول مرة تضيف كل الداتا اللي عايز تسجلها conversion وهتلاقي نسخة لكل منصة من فيسبوك لتيك توك لسناب الخ موجود فيها الشات بتاعها وشكله فا هتحمله وتبص عليه وتشوف ايه اللي ملوش لزمة في الشيت ده وترميه وتسيب اللي عاوز تغذي بيه الشيت بس
يعني مثلا تسيب :
رقم الموبايل
الايميل
الاسم بالكامل
ال status of order
ال value of order
ال currency
وبس كده كفاية اوي
وتدي الشيت ده لشركات الشحن اللي بتتعامل معاها لو عايز الموضوع يدوي من غير tool وكل يوم تحدث بيه فيسبوك والكامبينز اللي مشغلها
تعرف بقا مين استلم الاوردر من الناس دي ومين لا كنسل ومستلمش وتبقي معاك الداتا كاملة
( احيانا بعد فترة كنت بشيل داتا الناس اللي مستلمتش من الشيت اللي بعمل بيه ابديت لفيسبوك ) عشان نرفع كواليتي ونعمل الاوبتميزيشن اللي بنحبه والذي منه
بس ده مش اساسي يعني ولا فرض انت براحتك انا بقولك بس 
هنا هتلاقي تبدأ منين تعمل لنفسك offline conversion events
بتختار ال ad account اللي هتربط عليه ال offline events دي
بتدي access لنفسك ك ادمن او لغيرك علي ال offline events دي عادي
بتوريك انه لو عندك pixel وجيت تدوس علي create لواحد جديد هتلاقي ال offline events بتظهر معاك برضو عادي عشان متوهش بس
بتوريك انك ترفع الشيت csv لل database اللي عملتها وده مكان هترجعله كتير كتير لو عملت الموضوع بشكل مانيوال
اما دي بقا lead generation campaign بعنوان ” للهروب من المنافسة ” معمول فيها كل اللي انا قلت عليه ده testing و scaling بس كنت عامل طبعا automated ب zapier
وعامل انه يبعت الداتا للفيسبوك اعتمادا علي ال value من ال sheet وده لزوم ال optimization
اتمني تبقي تجرب ال offline conversion في ال campaigns بتاعتك ولما تفتكرني بيها تدعيلي
اترك تعليقاً