متعملش الكلام ده وانت لسه مع ad account جديد
الحسابات الجديدة على فيسبوك مفيهاش اي داتا أو history conversion زي الحسابات اللي موجودة من زمان وده بيخلي النتائج تكون أصعب في البداية لان الطريقة اللي شغالة بيها ال machine learning عند ميتا بتعتمد على الداتا اللي حصلت قبل كده عشان تعرف إزاي تحسن الحملات في المستقبل
فا مثلاً لو شغلت كامبين على فيسبوك هدفها sales conversion وميتا حسبت ان الستات اللي عندهم 34 سنة وبيهتموا بالقطط والكلاب هم أكتر ناس ممكن يشتروا هيستخدموا الداتا دي عشان يعرفوا يحطوا الإعلانات قدام مين في المستقبل فبيوجهوا الإعلانات للستات في التلاتينات اللي بيهتموا بالقطط والكلاب لو ده اللي ظهر من الداتا
وفيه داتا تانية كتير ميتا ممكن تستخدمها لو حملاتك كانت شغالة وجابت conversion زي متوسط عدد المرات اللي حد بيشوف فيها الإعلان قبل ما يشتري أو الوقت في اليوم اللي الناس بت convert فيه أكتر او حتي اليوم في الاسبوع اللي الناس بت convert فيه اكتر فا ميتا تقدر تعمل كل ده بس لو عندك داتا و history conversion
بس مع ad account جدددديددد ايه العمل !
عشان مع ad account جديد الموضوع بيكون أصعب بكتير انك تستفيد من قوة ال learning عند ميتا في البداية ده بيخلي المعلنين يغيروا الطريقة اللي بيشتغلوا بيها، بالذات نوع الحملة والهدف منها وده صلب الموضوع اللي عاوز اتكلم عنه
كل الناس بتبدا ب ad account جديد ومن الصفر ده لازم هنمر بيه يعني هنمر بيه بس محتاجين شوية توعية في بعض تصرفات اللي بتتعمل مع ال ad account الجديد بناءا علي نصايح غلط او منقدرش نقول انها نصايح غلط 100٪ بالظبط قد مهي ممكن تتسمي نصايح بقت قددديمة
اولها فكرة بدل ما نعمل sales كامبين بتركز على ال purchase بيروح يخلي الكامبين تركز على عدد page view ال landing page مثلا وده ممكن يتعمل في كامبين sales أو كامبين traffic مش فارقة لو ال performance goal هو clicks في كامبين ال sales مهي هتشتغل زي كامبين ال traffic
فا متعملشششش كدددده لو عايز مبيعات أو عملاء ال ad account الجديد مش هيكون كويس في البداية بس مش معناه إنك تروح تعمل كامبين traffic اللي هتكون أسوأ في انها تعمل مبيعات او عملاء وانك تعمل retarget ليهم بقا وكده تؤ تؤ تؤ
الأحسن انك تصبر وتخلي الحساب يتعلم مع الوقت ال ad account الجديد ممكن يجيب conversion مفيش شك في ده لان ميتا ممكن تستخدم ال live data عشان تحسن نفسها بنفسها زي الوقت اللي الناس بتقضيه على الإعلان، مين بيعمل clicks على الإعلان، وهكذا فا حتى لو معندكش داتا كفاية في البداية ميتا هتعرف تتعلم بسرعة من الداتا الموجودة او بمعني اصح اللي بتكتسبها وانت مشغل الاعلانات
ال ad account الجديد ممكن يتعلم بسرعة بس لو صرفت عليه اللي يخليه يتعلم بسرعة يعني متجيش تكون بتصرف 200ج في اليوم ومستغرب ان عدي اسبوعين او حتي شهر والكامبين ليه لسه في ال learning phase؟!
ايوة يعني اعمل ايه؟ اعمل الصح
بهرج معاك بهرج معاك متبقاش قفوش كده
شوف فيه تعديلات معينة بنصح بيها لو عندك ad account جديد
متبداش اي كامبين ب broad audience
ضيف ولو single interest في ال +advantage audience
قلل عدد المتغيرات في الحملات قدر الامكان يعني مثلا بلاش في الوقت ده تجرب في ال attribution window او حتي ال bidding
واخيرا بقا واهم حاااجة ارجوك يعني بعد اذنك
بلاش advantage shopping كامبين يعني يا راجل ينفع تكون اول كامبين كده تعملها عال ad account هي ال advantage shopping ومتابعني ومتابع ويبسايت الجونيورز عيب والله
اتحمل واشقي معانا كده اومال وحاول تفكر في طريقة تفكيرك
اترك تعليقاً