ازاي اعرف احلل الاعلانات وايه الحاجات اللي ابص عليها عشان اعرف احدد ال ad copy ولا ال design ده كويس ووينر ولا لا؟! 
ده اكتر سؤال بتسئله من الجونيورز تقرييا
فرجع ضهرك ورا وركز دقيقتين بقا عشان لما امتحنك في المراجعة النهائية متجبش ملحق في التاسك
الانسان الجونيور عامل ايه؟ 
كلتوا كنافة بالريد فيلفيت ولا لسه؟ 
تعرف ايه عن ال metrics يا مرسي؟ ” وايوة metrics عشان محدش يقولي اكتب عربي واتكلم عربي منا مش هقول مقاييس ومؤشرات اداء وتفهمني يعني هي اسمها metrics سهلة اهي metrics اسبلها كده يا جونيور يا اخويا ”
ابسطهاااالك … تعالي نقسم ال metrics معانا لجزئين :
– جزء ال Engagement Metrics
وعشان مزعلكش = { مقياس التفاعل ﴾ عربي اهو
– جزء ال Conversion Metrics
وعشان مزعلكش برضو = { مقياس التحويل ﴾
في ال Engagement Metrics هتلاقي :
– ال Reach ده عدد الناس اللي وصلهم الاعلان
– ال impression ده عدد الناس اللي ظهرلهم الاعلان تاني !
بمعني ممكن الكامبين تعمل reach ل 1000 شخص وال impression يكون 1500
وده معناه ايه؟ انه في 500 شخص من الالف اللي وصلهم الاعلان شاف الاعلان بتاعك مرتين مش مرة واحدة
– ال frequency وهو معدل التكرار وده بقا مبني علي الاتنين اللي قبلهم فوق وهما ال reach وال impression اللي لسه قايلك عليهم فا تيجي تشوف المثال اللي فات اللي انا لسه قايلهولك ده
المفروض يكون ال frequency بتاعه = 1.5 علي الداشبورد
– ال cpc (all) وده تكلفة عدد كل الدوسات اللي اتداست علي الاعلان بتاعك لو الاعلان في see more وحد ضغط علي see more هتتحسب كليك عليك لو حد داس علي لايك هتحسبه كليك لو حد داس علي الصورة وفتحها هيحسبها كليك
اما بقا 
– ال cpc (link through rate) ده تكلفة عدد الدوسات بس علي اللينك اللي انت حاطه في الاعلان او ال call to action اللي فيه زي تسوق الان دي كده click link through rate او زي ارسل رسالة دي كده برضو ايه؟ وهكذا بقا الخ
نفس الكلام ينطبق علي
– ال ctr (all) ده نسبة مئوية بتحسب عدد الناس اللي ضغطوا علي الاعلان بالنسبة للناس اللي ظهرلهم الاعلان في 100
بمعني الاعلان ظهر ل 1500 شخص وضغط عليه 15 شخص كده ال ctr بتاعك 1%
اما بقا
– ال ctr (link through rate) ده نسبة مئوية بتحسب عدد الناس اللي داست علي لينك الموقع بتاعك في زرار تسوق الان او زرار ارسل رسالة او ايا كان زرار الاعلان ايه
– ال video views بكل نسبه ال 25% و ال 50% وال 75% وال 100%
وكل مزاد عدد اللي شافوا ال video بنسبة 100% من عدد الناس اللي ظهر ليهم الاعلان كل مكان ال video كويس وموصل رسالته
الباقي بقا في ال Engagement مش محتاج توضيح كتير هو ال like وال comments وال shares وال saved posts ودول انت عارفهم كويس بس الفرق عالداشبورد انه مكتوب قبل اسمهم (paid) يعني (مدفوع) يا جونيور يا اخويا عربي اهوه
في ال conversion Metrics هتلاقي :
– ال page view ده عدد الصفحات اللي ناس تصفحتها علي الموقع عندك بما فيهم الصفحة الرئيسية في الموقع
– ال view content ده احيانا بنعمله في التراكينج في الفانل عشان الموقع فيه اكتر من قسم وعشان نعرف المنتجات اللي الناس شافتها الخ
– ال add to cart ده الناس اللي ضافت المنتجات للسلة
– ال add payment info / add billing info هما هما ال check out مفيش اختلاف غير في الفانل بتاع الويبسايت هتلاقي ويبسايت عاملة ده صفحة وال check out صفحة وهتلاقي ويبسايت تاتية عاملة كل ده في صفحة واحدة وده اللي انت المفروض تفرضه ان شاء الله لما تيجي تشتغل
– واخيرا حبيب قلب قلبنا ال purchase ده عدد عمليات الشرا اللي تمت والناس وصلت لل thank you page بالسلامة
دي ال metrics الاهم في الجزئين اللي محتاج تكون فاهمها وعارفها كويس
نيجي بقا للحتة بتاعت ايه الحاجات اللي ابص عليها عشان اعرف احدد ال ad copy ولا ال design بتاع الاعلان ده كويس ووينر ولا لا غير كل دول كمان خد معاك من فوق من ال Engagement Metrics كلا من :
ال ctr ميكنش اقل من 1%
ال cpc
ال video views
وتضيف عليهم كام حاجة اضافية هتلاقي في اخر الصفوف بتاعت ال metrics دي علي الداشبورد سهم تدوس عليه وتضيف ال 3 دول :
ال quality ranking
ال engagement rate ranking
ال conversion rate ranking
التلاتة دول مش ارقام ومش بيتصنفوا بارقام اومااال؟
دول تقدير يا جونيور يا اخويا
عارف انت في التقدير بتاع الجامعة لما بيقسموا كل درجات بتقدير مقبول وجيد وامتياز !
هو كده بالظبط حسبته :
ال below average
ده كده تقدير اعلانك مقبول ومش كويس ومش احسن حاجة ومحتاج يت …**#$@… خلاص بقا رمضان كريم عليك يا جونيور يا اخويا انت فهمتني كده
ال average
ده كده تقدير جيد لاعلانك بس لسه في تقدر تجيب احسن منه
ال above average
ده كده اعلانك امتياز مع مرتبة الشرف دفعة مارك زوكربيرغ يا جونيور يا اخويا
اتمني بعد البوست ده متسئلش تاني ازاي اقرا الارقام واحلل الاعلانات واعرف الكويس من الوحش عشان انا ايدي تعبتني من كتابة البوست ده وترتيبه بالشكل ده والله
وان شاء الله كل اللي بيستفاد من حاجة بنزلها يرفع راسي بعدين في المستقبل القريب واتشرف بيه في شغله
اترك تعليقاً